يــانبض انفاسى مولاتك

2011-07-05, 7:38 pm

صباحكم سعاده وراحة بال وعود وزعفران

متواضعتي بين ايديكم ابيات سبق وشاركت ببعضها باللعبه

ووصلتني تقاييم تكتمل-غوالي والطلب رخيص- ...وكتب الله لها عمر اطول وكل آمل ان تحوز ع مرضاتكم..

,,مدخل،،

لمن سهيت وزدت جرحك وزلاتك
سجود سهوك تقبّل كف غالينك
وانكان رب المشاعر ماغفر ذاتك
كررّله اشعار حبه في دواوينك
يمكن تنال الرضى في بعض حزاتك
وبها يذوب الثلج من ملمس يدينك
ويمكن ينشّ السحاب بعين مولاتك
ويكسر رذاذ المطر شوكة بساتينك
وان انقطع حبلها هيهات هيهاتك
الشدّ ويّا الرخأ غلطة سلاطينك
ياسيدي مرحبا نص العمر فاتك
ياسيدي مهرتك ملزومه تدينك
طاحت شيوخ المواجع في مواساتك
وانت بتئم الصلاه داخل معزينك
ومقابر احساسها داخل محطاتك
عسى الله يعينها وعسى الله يعينك

نافذه...

احيابك العمر يانبضي مع انفاسي
تكفى ترى تكفي الشهرين بغيابك
واللي نثر حبر قيفانك بقرطاسي
ماضخ عرق الوتين بفايض شعابك
ثوب الصبر قاصراً ماهوبمقياسي
ستّر عرأ حاجتي من فايض ثيابك
وان كان ماتقتدر فأودّعك راسي
خلّه يشم الهوأ في داخل انيابك
واسمع ترا لو ضرب جلمودك بفاسي
تفتت وانشرخ ضلع وتعزوابك
ياناسي وناسي وناسي وبعد ناسي
اليوم ياعقاب قلّي :وشهو عقابك؟
يرقص حمام الولع من دقة اجراسي
ورمز القفل ينفتح من ملمسي بابك
وام القدر حامله في بطنهاالقاسي
طفلاً وفي مولده عقايق غيابك
على مدار السنين ولحظة نعاسي
ركبة خيل الحذر وآثر القدر جابك
جيتك طفل ضحكتي بداخل اكياسي
وعوّدت منك كهل وشاعراشنابك
احشم كبير الجروح ومثلك يواسي
واليوم عقب البطأ بالله وش جابك؟
اعطيتني ريشة المجروح بفلاسي
ورسمة لوحة وداعاتي بجلبابك
كان البحر به وجع ليه البحر رآسي؟
وكان الفضأ متّسع ليه السهم صابك؟!
تعال ندهن سيور اللي بنأ يآسي
وتعال نكسر جسوراللي تعدوابك
الفكر بي ضايق و هايض ومحتاسي
والشْعْر بي مشتعل وبيوته اطنابك
والقلب حالف يصبحكم على كاسي
والعين به سالفه ماتجرح اهدابك
غيرك من اهل العُقل ماحرّك انفاسي
ويالابسين العقل قولوله:احيااااابك

,,,مخرج،،،

"سبحانك اللهم وبحمدك اشهد ان لا اله الا انت استغفرك واتوب اليك"

.

.

.

2011-07-20, 8:07 am

"سبحانك اللهم وبحمدك اشهد ان لا اله الا انت استغفرك واتوب اليك"
بإرك الله فيك.~||

2011-07-20, 11:33 pm

ششرفت الموضوع بتواجدك الرائع .. نتمنى الافـادة للجميع باذن الله

تقبل مرورى

Black He@rt

2012-08-13, 3:40 am

احيابك العمر يانبضي مع انفاسي
تكفى ترى تكفي الشهرين بغيابك
واللي نثر حبر قيفانك بقرطاسي
ماضخ عرق الوتين بفايض شعابك
ثوب الصبر قاصراً ماهوبمقياسي
ستّر عرأ حاجتي من فايض ثيابك
وان كان ماتقتدر فأودّعك راسي

قصيدة رااائعه جدا احسنت الاختيار
موفق اخي
في عودتك بالجديد ،
تَحيآتِي لَـكْ ، pub3 pub3