قصيدة مرثيه في الامير الغالي سلطان الخير

2011-10-26, 10:24 pm

بسم الله الرحمن الرحيم
السلام عليكم ورحمة الله وبركاته
احسن الله عزانا وعزاكم
هذي القصيده مرثيه لفقيدنا الغالي رحمه الله وغمد روحه الجنه

مرحوم يارمز الوفا والشهامه***مرحوم ياتاج الفخر والكرامه
مرحوم ياسلطان ياراعي الخير***ياللي تدرس شعبك الإبتسامه
جانا الخبر واللي مصدّق مكذّب***وكلن من الضيقه يطش العمامه
يبكي على فرقاك شعبٍ يحبك***ويبكي على فرقاك قصر اليمامه
ويبكي عليك طويق واجا وسلمى***ويبكي على فرقاك رمل الثمامه
وتبكي عليك ام اليتامى لأنك***ترعى يتاما الشعب مابك ملامه
ويبكي عليك عويد فاقد عياله***ويبكي عليك الطفل ساعة فطامه
تبكي عليك القاع ياقاهر الفقر***من بحرها يلين حد المنامه
جنوبها مع شرقها والشمالي***جبالها وسهولها والعدامه
يالله يامنشي الغيوم المراويح***تسقي قبر سلطان ساس القرامه
وتسكنه في جنة الخلد يارب***لاتجعل النيران تاكل عظامه
وترفع مقامه يوم تفضيل الأيمان***مع النبي محشور يوم القيامه
وترحم جميع امواتنا يامهيمن***وتديم دولتنا بخير وسلامه
*****
رحمك الله ياسلطان